/
給崔臣的好評
comments to CLM
Kaelyn & Jeff (copied from Bespoke Wedding):
最初我同太太想搵攝影公司，就上social media度睇，咁啱就見到崔臣掠影嘅相，雖然都有見到有好同類型嘅攝影公司，但係覺得崔臣掠影啲作品風格比較啱我哋心水！😍😍 當時未决定揀崔臣掠影，不過崔臣係咁多公司之間最快覆我哋message嘅，佢直接約我哋上鋪頭傾返啲細節，了解多啲資訊，再加上我哋喺網上已經初步了解過佢哋嘅price list，覺得價錢都幾合理，符合我哋嘅budget，我哋就直接上去傾！💓💓 溝通嗰陣，係崔臣本人同我哋對接嘅，佢為人好nice，又有少少funny，嗰氣氛唔會太壓迫。崔臣會先了解我哋對攝影嘅要求，大概了解完我哋喜好之後，再推薦返適合我哋嘅plan，其實配套嘅選擇都好多元化，仲包括好多service，好多關於拍攝嘅安排，可能會遇到嘅情况，或者拍攝流程，好多細節位都會俾我哋知道，👍而且我哋問嘅問題都會詳細解答清楚，一啲都唔敷衍我哋，真係感受到崔臣嘅誠意，最後我同太太都feel到崔臣對攝影嘅經驗好豐富，所以我哋就join咗崔臣掠影pre-wedding嘅海外拍攝配套！👍🏻
Pre-wedding之前，佢就會事先問我啲有冇鐘意或者一定要去到嘅景點，同埋我哋到時有冇話傾向想影邊啲類型嗆風格，或者鐘意乜pose，佢了解完之後，就會記錄低再推薦一啲其他景點俾我哋考慮，最後傾完之後，崔臣就會安排好拍攝路線同時間上嘅安排，再同我哋doubleconfirm睇吓有冇邊啲地方有問題，sofar成個溝通過程都ok。☺️ Prewedding拍摄當日，係崔臣親自幫我哋影相，佢會提早做好準備，因為喺海外拍攝，所以所有拍攝器材同設備都會提前確認多幾次確保冇問題，都會大概同我哋夾吓schedule，俾我哋知道今日會去邊啲景點拍攝先。👰🏻♀️當日就有一位化妝師一起跟住我哋拍攝嘅，佢哋都會交流吓，例如話崔臣會提醒化妝師可能要整理吓嗰髮型，化妝師會同崔臣討論吓下一個景點喺邊，睇吓要襯返乜造型，都幾夾。😍成個拍攝過程都好順利，大家都好takecare我哋，我覺得崔臣工作特別認真同負責，會示範好多pose俾我哋睇，一直指導住我哋，因為我哋動作比較生硬，🙈第一次影婚紗相，好緊張，佢哋都會搞吓氣氛，令我地放鬆啲，影出嚟嘅笑容就自然啲，而且崔臣會考慮到新人第一次拍攝，所以會俾好多指示我哋follow，照顧住我哋，唔會出現亂曬龍嘅情況，所有指示好clear。💯
我啲收到相之後都覺得唔錯，同我哋預想中一樣，我哋睇完都好滿意，同佢哋團隊相處得好愉快，而且崔臣本人真係好nice，☺️所有流程都把握得好好，我最欣賞崔臣嘅地方係，佢好樂意同新人溝通，聽取新人嘅需求，🤓好用心做好拍攝嘅工作，當時抓拍嘅每個角度都好特别，成輯相簿出嚟嘅效果好溫馨，背景好豐富，影得又好自然，令我感受到佢好重視每位新人。❤️💯
Winnie & Daniel (copied from Bespoke Wedding):
我通過朋友介紹識崔臣掠影，對比咗幾間，覺得其他公司嘅價錢相對都比較貴，同埋唔未必咁符合Budget啦。我都有去睇過佢哋嘅相，覺得OK，係我鐘意嘅風格，☺️亦係我想要嘅感覺，所以就直接揀咗佢哋。
成個溝通過程，佢哋令我感覺到好helpful，態度又好，👍啲同事都好有經驗，我問嘅問題都解答到。我哋嘅Pre-Wedding同埋Big Day都係揀咗佢哋，主要都係揀咗戶外拍攝嘅。🥰咁喺拍攝之前，佢哋都會提前同我哋溝通好拍攝地點，都會俾我哋建議邊啲地點嘅景好睇，我哋自己就唔洗好似盲頭烏蠅咁要自己上網搵，上網做功課，而佢地推介嘅地方都係我哋鐘意。
Pre-Wedding 我哋主要揀咗香港出名嘅景，尤其係下白泥嘅景超級好睇😍😍。拍攝期間，我嘅動作比較僵硬，佢哋就會製造活躍嘅氣氛令我放鬆啲，影出嚟嘅效果都好自然，☺️同埋去拍攝之前都有溫馨提醒過我哋行果陣要小心啲，所以都要好照顧到我哋。👰🏻♀️而喺 Bigday當日，佢哋都會提前同我哋溝通好流程，會配合我哋嘅要求。令我比較印象深刻嘅係，其中有啲流程我哋唔係太清楚點行，同埋我哋自己都唔知當日現場嘅相其實喺想要啲咩效果，咁佢哋就會俾我哋專業嘅意見，好幫到手，👍成個過程好smooth好順利。最終出嚟嘅相，影到賓客笑容好自然，好溫馨嘅moment。同佢哋團隊相處得好愉快，成個過程好順利，都好多謝佢哋影到我哋好滿意。💯
Kylie & Martin (copied from Bespoke Wedding):
其實前前後後都已經對比過幾間公司，但係最後揀咗崔臣掠影，因為佢哋啲相好靚，覺得幾啱自己風格，再加上佢哋嘅價錢收費好合理😝。 崔臣俾我嘅第一印象好有藝術家風範，人又好隨和。我哋傾細節嗰陣，崔臣都好nice，會事先問我哋中意嘅景點，或者對於拍攝有咩request，可以話俾佢知，服務態度好好，而且佢好有熱誠，大致上我哋傾完之後，我都對崔臣好放心，最後我嘅Pre-wedding同 Bigday攝影都交曬俾佢!
我哋係揀咗去幾個海外國家拍攝，例如意大利同布拉格，呢幾個地方都係我自己本身去過覺得好靚，而且我哋會喺海外註冊，舉行 Bigday ，所以崔臣同一位化妝師會全程follow我哋去海外拍攝。對於呢方面崔臣都ok，好願意以佢嘅經驗去俾意見我哋，仲幫我哋plan吓行程。💯 崔臣喺拍攝之前，都會同我哋討論，了解我哋想要咩效果或者風格，會聽我哋嘅需要，又俾咗好多唔同效果嘅相我哋睇，呢點真係令我哋感受到佢對拍攝嘅熱誠！👍🏻
不得不讚崔臣真係非常專業，連續兩日我哋都影咗17個鐘，就算我哋影咗咁耐，崔臣都一直keep住教我哋擺pose，用肢體語言引導我哋做動作，仲全程保持好好嘅笑容，而且佢會不停搵好多唔同嘅角度去嘗試幫我影出最靚嘅角度，我哋都感受到崔臣對影出嚟嘅作品係好高要求，相信影出嚟嘅效果一定好高質素！❤️ 另外，真係不得不提最難忘嘅係最後一日拍攝，全日都好大雨，但我心目中就最中意呢個景點，攝影師就提議話不如我哋先試吓影，影完之後，我哋同崔臣都覺得效果唔係幾好，崔臣當時就諗咗幾個方案俾我決定，但係我哋都唔知應該點好，佢見到我哋有少少焦慮，就提議話下一站我哋婚禮擺喺意大利，不如我補機票錢，佢同我哋一齊去意大利補拍其他景點咁樣。
成個拍攝過程都好順利，所有時間同路線上嘅安排都排得好好。原本我睇中崔臣嘅作品係因為中意佢對於拍攝風格同埋光線處理都好有自己嘅style，最後我哋收到啲相，全部都係我心目中嘅效果，無論光線，角度，風格，都100%滿意🥰！每一張相都笑得好開心，完全無緊張、嚴肅嘅感覺。崔臣真係好專業，做嘢非常快手，會用盡曬所有時間幫我哋影相，將件事做到最好，佢成日都係冇停過，仲冇任何嘅脾氣，keep住呈現一個最好嘅狀態，而且佢對於海外景點嘅路線都非常熟悉，完全可以show到佢嘅能力，俾人感覺到佢好穩陣！
Bibi & Chu (copied from Bespoke Wedding):
我係透過朋友介紹之下認識到崔臣掠影，本身我其實就揀咗幾間攝影公司做對比，但我就比較鐘意崔臣掠影拍攝嘅style，有一種獨特嘅風格，係其他公司冇，最後我就純粹憑感覺直接決定揀崔臣掠影。 ☺️ 之後我哋就約時間傾吓啲細節，我發覺佢哋態度好nice。作為新人嘅我哋，因為唔熟悉嘅關係會有好多疑問，同事都會好樂意解答我哋，完全冇架子，唔會令我哋有任何hard feeling 👍🏻 佢哋好仔細咁介紹返好多pre-wedding嘅拍攝配套俾我哋，再了解我哋嘅要求，相處得都好舒服。同佢哋溝通嗰陣都feel到佢哋好認真，冇hard sell我哋。🥳
我哋最後就揀咗去日本拍攝pre-wedding，但係我哋本身就對於日本嘅景點冇乜頭緒，唔知想要咩效果，所以我哋就交曬俾崔臣掠影安排。呢層我同先生都覺得幾好😚，崔臣會利用佢嘅經驗，編排啲比較有特色嘅景點，時間同路線上嘅安排都好好，佢會update我哋成個拍攝行程會去邊啊，會點去啊，都會交代清楚。崔臣仲會再前後確認多幾次，如果我哋對於景點如果有啲咩idea，都可以提出，佢都可以配合。
拍攝當日，因為崔臣事先已經plan好曬行程，所以我哋就直接跟住編排好嘅行程去唔同景點拍攝，我記得當時佢帶我哋去咗一個河邊，有輕軌路，係一個好古老feel嘅地方，非常特别，好有特色，周圍好似仙境咁，影完出嚟係超靚。😍 我哋去拍攝嗰陣，櫻花季就快完，所以唔會有好多櫻花，但係崔臣都好願意嘗試帶我哋去一個隱藏景點，嗰度嘅櫻花勁多，景又非常之靚，我非常中意！❤️ 影相嗰陣，我同先生都唔係成日影相，所以對住cam嘅動作就會比較生硬。崔臣喺呢個時候就會搞吓啲氣氛，令我哋放鬆啲，而且佢會用好多肢體動作教我哋點擺pose，好識得引導我哋，俾我哋嘅指示亦都係清楚容易明白🤩。我哋成個過程都好放鬆，好快投入到拍攝度。
好快就收到Pre-wedding輯相，崔臣做嘢好有效率❣️，出嚟嘅作品我非常滿意，影得非常自然，係我預想中嘅效果，一啲都唔似第一次拍攝動作好生硬嘅新人，影嘅角度好專業，而且啲相後期執出嚟，執得好好，超有技術，可以喺咁短時間做到高質素、高效率嘅成品，我相信崔臣本人一定對呢份工作好有熱誠，所以我真係好欣賞佢！💓 最令我啲印象深刻嘅係，當時喺日本拍攝嗰陣係非常之凍，崔臣就私人準備咗好多暖包俾我哋，我覺得好窩心！
Alice & Calvin (copied from Bespoke Wedding):
我透過朋友識到崔臣掠影，睇過佢哋啲作品都係我鐘意嘅風格，崔臣掠影嘅價錢亦都喺我嘅budget入邊，而且我覺得崔臣係個幾好嘅choice，直接就搵佢哋影 pre-wedding 。📸 我哋之後就上去studio度同佢哋傾，後尾就用返whatsapp傾比較多，佢哋同事俾我哋嘅印象都好有禮貌，一啲都唔會hard sell我哋，仲好有耐心同我哋解釋現有嘅plan 。👍🏻 溝通嗰陣，無論我有幾多問題都好，同事都會幫我解答，而且仲解答得好清晰，非常直接嘅，唔會有任何灰色地帶，基本溝通上係好smooth。👍崔臣就會問我哋有冇偏向鐘意啲乜風格，咁我本身已經有想要嘅風格，所以就搵咗啲sample俾崔臣，佢都好願意share好多意見俾我，非常friendly，一啲都唔會好似出邊嘅攝影公司咁強迫我跟住公司嘅plan。👍🏻 我哋嘅plan其實淨係包括indoor，因為我驚如果去outdoor拍攝，妝會溶仲好熱，好多未知情况會出現，崔臣知道咗之後，就搵咗間outdoor小屋仔俾我，話我可以考慮吓，有冷氣就唔驚啦，又可以影多啲靚相 😂 最後我哋總共就去咗兩個地方拍攝。
Prewedding拍攝當日，崔臣就會帶我哋去studio度影indoor嘅景先，studio好靚，背景又非常多選擇，地方又好闊落。我最鐘意嘅其實係崔臣推介俾我哋嘅嗰間小屋仔，我唔記得乜名，但係超級靚，影吓oudoor就可以返入去屋仔吹吓冷氣。😍 影相嗰陣，崔臣好funny，會教我哋點擺pose，👍俾好多instruction我哋follow，例如眼要望邊啊，下巴要對住邊啊，面要向住邊啊，好多呢啲細節位都會做示範，所有指示好clear。當時我哋都覺得崔臣好專業，而且好俾心機，會一直搵好多唔同角度同埋燈，一直影到滿意為止，對於自己嘅作品非常有要求，一啲都唔會求其影俾我哋。☺️事後，崔臣就會send哋相劇透俾我哋睇先，咁啲相可以話幾乎超出我啲嘅expectation，好靚，我嘅要求都有做到，我同先生都感受到佢對工作嘅認真同埋熱誠，所以就决定將 bigday都交俾佢，加上我哋相處過，已經有一啲默契，而且崔臣知道我哋嘅要求，搵返熟悉嘅攝影師我哋都比較放心，因為Bigday 點講都係一生人一次。❤️
Bigday我哋就有拍片同埋攝影，都係同條team負責，所有事都進行得好順利，崔臣都一樣會搞吓氣氛，引導賓客笑得自然啲，主動幫手安排啲位，影大合照嘅時候，佢都會教啲賓客應該擺乜pose，指示都一樣好clear，可以同佢哋溝通到💯 婚禮完咗之後，崔臣做野好有效率，好快就將啲片同埋一啲精修相send俾我，條片我真係不得不讚崔臣掠影條team，剪得好好，好有feel，bigday嗰日嘅過程都影得好好，我有將條片forward俾一啲朋友，好多朋友都同我哋攞崔臣嘅contact。因為本身我就係海外擺Bigday，好多海外朋友都覺得搵返海外攝影師比較方便，但係啲相嘅style都麻麻地，而且語言上都有少少難溝通，所以就覺得崔臣符合曬啲需求，影相靚，價錢正，人又nice，最主要係崔臣可以用廣東話嚟溝通！ ☺️總體來講，我同先生都好滿意崔臣service，😆人真係好搞笑又friendly，仲好細心，拍攝嗰陣，如果天氣太曬，或者我哋有少少攰都會即刻take a break俾我哋休息吓，確保我哋唔會覺得唔舒服，無論係影人像、打燈同拿捏角度幾方面都非常完美。
Angela & Tim (copied from Google reviews):
今年6月男友揾左崔臣幫我地影pre wedding, 去左土耳其影 而家睇返d相勁滿意，崔臣影相真係好有skills同idea, 我地唔識擺pose但佢完全可以指導到我地點擺先靚。唔同景點之間仲做埋司機。 好開心揾左一個咁好既攝影師，成個回憶都好美好
